बिहीबार , असार २६ गते २०८२    
बिहीबार , असार २६ २०८२
images
images

बागलुङमा बाढीका कारण एक अर्बभन्दा बढीको क्षति

images
बिहीबार , असार २६ २०८२
images
images
बागलुङमा बाढीका कारण एक अर्बभन्दा बढीको क्षति

जलविद्युत आयोजना बगाउँदा झन्डै दुई करोड रुपैयाँ बराबरको क्षति भएको जैमिनी नगरपालिका उपप्रमुख हरिहर शर्माले बताए।

images
images

बागलुङ- अविरल वर्षाका कारण मंगलबार राति आएको बाढीले बागलुङको जैमिनी नगरपालिका-९ पैयुँथन्थापमा करिब एक अर्ब चार करोड रुपैयाँ बराबरको क्षति पुर्‍याएको छ। पैयुँथन्थाप-९ हुँदै बग्ने कालुङखोलामा आएको बाढीले कालुङखोला जलविद्युत आयोजनामा पूर्ण रूपमा क्षति पुर्‍याएको छ।

images
images

जलविद्युत आयोजना बगाउँदा झन्डै दुई करोड रुपैयाँ बराबरको क्षति भएको जैमिनी नगरपालिका उपप्रमुख हरिहर शर्माले बताए। आयोजनामा क्षति पुग्दा त्यस ठाउँका एकसय २२ घरपरिवार अन्धकारमा बस्न बाध्य भएका छन्।

images
images

बाढीले सोही ठाउँमा ३५ लाख खर्चेर निर्माण गरिएको पुल बगाएको छ। केन्द्रीय विद्युत प्रसारण लाइनको ‘ट्रान्सफर्मर’मा समेत क्षति पुर्‍याएको छ। यस्तै खेतीयोग्य जमिन बगरमा परिणत भएको छ।

images
images
images

वार्षिक आठ सयदेखि एक हजार मुरी धान उत्पादन हुने खेत बगरमा परिणत भएको उपप्रमुख शर्माले बताए। बाढीका कारण ६ घर पहिरोको उच्च जोखिममा परेका छन्। स्थानीय कुलबहादुर थापा, टेकबहादुर थापा, खड्गबहादुर थापा, केयरसिंह थापा, पहलसिंह थापा र खेमबहादुर थापाको घर पहिरोको उच्च जोखिममा परेको हाे।

बाढीले ठेउलेका पाँच घर जोखिममा परेका छन्। दुई गोठमा पूर्ण क्षति भएको छ। टेकबहादुर र खड्कबहादुरको गोठमा क्षति पुर्‍याएको छ। टेकबहादुरको गोठमा रहेको एक गोरु मरेको छ।  बाढीले कुश्मीसेरा-पैयुँथन्थाप-राङखानी हुँदै बरेङ जाने सडकसमेत अवरुद्ध भएको छ।

त्यस ठाउँका १० वटा सिँचाइ कुलोमा क्षति पुगेको छ। विभिन्न क्षति मूल्यांकन गर्दा करिब एक अर्ब चार करोड रुपैयाँ बराबर क्षति भएको अनुमान गरिएको उपप्रमुख शर्माले जानकारी दिए। रासस


प्रकाशित : बिहीबार , असार २६ २०८२१०:२३

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend