बुधबार, असार २५ गते २०८२    
बुधबार, असार २५ २०८२
images
images

रोपाइँका लागि रोपाहार पाउनै मुस्किल, प्रविधिको प्रयोग बढ्दै

images
बुधबार, असार २५ २०८२
images
images
रोपाइँका लागि रोपाहार पाउनै मुस्किल, प्रविधिको प्रयोग बढ्दै
फाइल तस्बिर

धान रोप्ने समयमा जिल्लामा तराई मूलबाट आउने मजदुरहरु बढी हुने गरेको भए पनि अहिले भने त्यो सङ्ख्या घटेको छ।

images
images

चितवन- पछिल्ला दिनहरुमा धान रोपाइँ गर्न मजदुरहरु पाउन कठिन भएपछि प्रविधिको प्रयोगलाई बढाइएको छ। छिटोछरितो काम गर्न कृषि क्षेत्रमा प्रविधिको प्रयोग बढाइएको हो।

images
images

अहिले प्रविधिको प्रयोग बढेसँगै कामदारको सङ्ख्यामा कमी आएको छ। विगतका वर्षहरुको तुलनामा जनशक्ति कम प्रयोग हुन थालेको हो। धान रोप्ने समयमा जिल्लामा तराई मूलबाट आउने मजदुरहरु बढी हुने गरेको भए पनि अहिले भने त्यो सङ्ख्या घटेको हो।

images
images

राप्ती नगरपालिका-५ मा रहेको जनजागृति हरियाली ताजा तरकारी एवं फलफूल उत्पादक सहकारी संस्थाका अध्यक्ष धर्म कँडेलका अनुसार अघिल्ला वर्षको तुलनामा यसवर्ष तराईबाट आउने कामदारको सङ्ख्यामा कमी आएको छ। उनले भने, 'कामदार नपाएपछि अहिले किसानहरुले प्रविधिको प्रयोग गरेर धान रोप्न थालेका छन्।'

images
images
images

उनी आफैले पनि श्रमिक नपाएपछि प्रविधिको प्रयोग गरेर धान रोपेको सुनाए। धान रोप्नका लागि जिल्लाका कामदारहरु नपाउने र तराईबाट आएका मजदुरहरुको भर पर्नुपर्ने अवस्थालाई धान रोप्ने मेसिन राईस ट्रान्सप्लान्टर प्रयोग गर्ने गरिएको छ। अहिले किसानलाई धानको बीउ राख्न बानी नपरेकाले समस्या भएको भए पनि यसलाई सिकाउँदै प्रविधिको प्रयोग बढाउन आफूहरु लागि परेको उनले बताए।

खैरहनी नगरपालिकाको कुमरोजमा रहेको साना किसान कृषि सहकारी संस्थाका अध्यक्ष तेज बर्ताैला कामदार लगाउँदा मूल्य दिनुपर्ने ज्यालाभन्दा प्रविधिको प्रयोगले सस्तो पर्ने भएकाले किसानहरु प्रविधिको प्रयोगमा केन्द्रित हुन थालेको बताउँछन्। बर्तौलाका अनुसार अहिले अघिल्ला वर्षको तुलनामा स्थानीय र तराई मूलका कामदार कम सङ्ख्यामा पाइने गरेको छ।

तराई क्षेत्रमा सिँचाइको व्यवस्था भएसँगै त्यहाँका मजदुरहरु कम आउन थालेको उनले अनुमान गरे। उनले भने, 'वैदेशिक रोजार र स्थानीयरुपमा नै पाइने रोजगारीका कारण अघिल्ला वर्षहरुको तुलनामा कम संख्यामा मजदुरहरु आएको पाएका छौँ।' आफ्नो संस्थामा रहेको मेसिन बिग्रिएसँगै मजदुर नपाएपछि अन्य संस्थाबाट ल्याएर धान रोप्न बाध्य भएको उनले बताए।

प्रधानमन्त्री कृषि आधुनिकीकरण परियोजना कार्यान्वयन एकाइ चितवनका प्रमुख महेश रेग्मीले मजदुरको कमी हुँदै जाँदा प्रविधिको प्रयोग बढ्दै गएको बताए। अहिले जिल्लामा आठवटा ‘राइस ट्रान्सप्लान्टर’बाट धान रोप्ने काम भइरहेको छ।

अघिल्ला वर्षभन्दा कम सङ्ख्यामा मजदुरहरु आएपछि किसानले स्थानीय मजदुर र प्रविधिको प्रयोग गरेका हुन्। छोटो समयमा धेरै क्षेत्रफलमा धान रोप्न सकिने भएकाले पनि मजदुरको भन्दा प्रविधिको प्रयोग बढेको उनले बताए। यसले कृषि क्षेत्रलाई आधुनिकीकरणतर्फ केन्द्रित गर्दै लैजाने उनले बताए।

जिल्लामा २७ हजार २०७ दशमलव २५ हेक्टर क्षेत्रफलमा वर्षे धान रोपाइँ हुँदै आएको छ। जसमध्ये हालसम्म करिब ६० प्रतिशत क्षेत्रमा धान रोपाइँ सकिएको कृषि विकास कार्यालय चितवनका प्रमुख झकनाथ कँडेलले जानकारी दिए।

मजदुरको अभावका कारण हुनुपर्ने क्षेत्रभन्दा कममा धान रोपाइँ भएको हो। उनले भने, 'जिल्लाको धान रोपाइँका लागि तराई मूलका कामदारको भर पर्नुपर्ने बध्यता छ। यसलाई प्रविधिको प्रयोगले केहीसम्म सहज बनाएको छ।'

जिल्लामा सावा, गोरखनाथ, साबित्री, राधाचार, हर्दिनाथ र यूएस ३१२ जातका धान बढी मात्रामा लगाइने गरेको छ। रासस


प्रकाशित : बुधबार, असार २५ २०८२१३:३७

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend