काठमाडौं- चालु आर्थिक वर्षको जेठमा उपभोक्ता मुद्रास्फीति वर्षकै न्यून मापन भएको छ। नेपाल राष्ट्र बैंकले गत वर्षको जेठको तुलनामा यो वर्षको जेठमा मूल्यवृद्धि २.७२ प्रतिशत रहेको जानकारी दिएको छ।

गत वर्षको जेठको तुलनामा उपभोक्ता मूल्य समग्रमा २.७२ प्रतिशतले बढेको हो। यस्तै मासिक तुलनामा चालु वर्षका अघिल्ला १० महिनामा भने यसको तुलनामा उच्च थियो।

११ महिनाको औसत मूल्यवृद्धि ४.२४ प्रतिशत रहेकोमा जेठमा भने न्यून बिन्दुले बढेको हो। माघदेखि मूल्यवृद्धि ओरालो लागेर जेठमा न्यूनतम बिन्दुमा झरेको हो।

मूल्यको वृद्धिदर कायमै रहेपनि अघिल्ला महिनाको तुलनामा वृद्धिदर न्यून भएको हो।