.gif)
काठमाडौं- नेपाल टेलिकमले भ्यालेन्टाइन डे अफर ल्याएको छ। टेलिकमले भ्यालेन्टाइन डे को अवसरमा अनलिमिटेड डाटा र अनलिमिटेड भ्वाइस अफर उपलब्ध गराएको छ। यो अफर आज र भोलि अर्थात् फागुन १ र २ गते (फेब्रुअरी १३ र १४ ) सम्म उपलब्ध हुने टेलिकमले जनाएको छ।
35(1).gif)
सो अफर अन्तर्गत ४९ रुपैयामा एक एमबिपिएस अनलिमिटेड डाटा २४ घण्टा र कम्पनीको नेटवर्कभित्र अनलिमिटेड भ्वाइस सेवा डे कम्बो अफ उपलब्ध गराउने भएको छ।
यसैगरी नेपाल टेलिकमले हालै व्यावसायिक सञ्चालनमा ल्याएको भ्वाइस ओभर एलटीई अर्थात भोल्टीसेवामा भ्यालेन्टाइन डेकै अवसरमा फागुन २ गते कम्पनीको नेटवर्कभित्र भोल्टी कल निःशुल्क प्रदान गर्ने जनाएको छ।
साथै, भ्यालेन्टाइन डेकै अवसरमा फागुन २ गते एमपोसबाट गरिने २ सयदेखि ४ सय ९९ रुपैयाँसम्मको रिचार्जमा ५१२ एमबी डाटा र ५ सय रुपैयाँ वा सोभन्दा माथिको रिचार्जमा १०२४ एमबी डाटा वोनसको रुपमा निःशुल्क उपलब्ध गराने भएको छ।
