काठमाडौंमा कवि तीर्थ श्रेष्ठको एकल कविता वाचन

बिजनेस न्युज

आइतबार, चैत १० २०८१

काठमाडौंमा कवि तीर्थ श्रेष्ठको एकल कविता वाचन

पोखरामा बसोबास गर्दै आएका कवि श्रेष्ठले कार्यक्रममा जीवन र जगतसँग सम्बन्धित कवितासँगै व्यंग्यात्मक कविता र गजलहरू प्रस्तुत गरेका थिए।

काठमाडौं- कवि तीर्थ श्रेष्ठको एकल कविता वाचन कार्यक्रम सम्पन्न भएको छ। मदन भण्डारी फाउन्डेसनको आयोजनामा शनिबार काठमाडौंमा ‘श्वेत शार्दूल: एक यात्रा कविको शिविर’ शीर्षकमा कविता वाचन कार्यक्रम सम्पन्न भएको हो।

पोखरामा बसोबास गर्दै आएका कवि श्रेष्ठले कार्यक्रममा जीवन र जगतसँग सम्बन्धित कवितासँगै व्यंग्यात्मक कविता र गजलहरू प्रस्तुत गरेका थिए। उनले काठमाडौंका विकृतिहरूलाई आफ्नो कविताको माध्यमबाट कटाक्ष गरेका थिए।

कार्यक्रममा पूर्व राष्ट्रपति विद्यादेवी भण्डारीले कविता समाज बुझ्ने प्रभावशाली माध्यम भएको बताइन्। उनले भाषा, कला र साहित्य समाज विकासका लागि महत्वपूर्ण भएको उल्लेख गरिन्।