बिहीबार , चैत १४ गते २०८१    
बिहीबार , चैत १४ २०८१
images
images

स्रोतसाधनले भ्याएसम्म भूकम्पपीडितलाई सहयोग जारी छ : गृहमन्त्री लेखक

images
शनिबार, फागुन २४ २०८१
images
images
स्रोतसाधनले भ्याएसम्म भूकम्पपीडितलाई सहयोग जारी छ : गृहमन्त्री लेखक

गृहमन्त्री रमेश लेखकले स्रोत र साधनले भ्याएसम्म सरकारले भूकम्पपीडितलाई सहयोग गरिरहेको बताए।

images
images

अछाम- गृहमन्त्री रमेश लेखकले भूकम्पपछिका पुनर्निर्माण र पुनःस्थापनालाई सरकारले प्राथमिकतामा राखेर तदनुरुप काम गरिरहेको बताएका छन्।

images
images

अछाम जिल्ला समन्वय समितिको कार्यालयमा स्थापना भएको जिल्ला भूकम्पीय पुनर्निर्माण तथा पुनःस्थापना आयोजना कार्यान्वयन एकाइ कार्यालयको आज उद्घाटन गर्दै उनले स्रोत र साधनले भ्याएसम्म सरकारले भूकम्पपीडितलाई सहयोग गरिरहेको बताए।

images
images

गत वर्षको कात्तिकमा भएको भूकम्पबाट प्रभावित भएकालाई सहज ढंगले सेवा प्रवाह गर्ने उद्देश्यले स्थापना भएको उक्त एकाइले अछाम, बाजुरा र डोटीका नागरिकलाई सघाउने छ। 

images
images

नवस्थापित एकाइमार्फत पीडितलाई आवास निर्माण तथा मर्मतससम्भारका काम गर्न सहज हुने विश्वास व्यक्त गर्दै लाभग्राहीलाई द्रुत सेवा प्रवाह गर्न उनले प्रमुख जिल्ला अधिकारीलगायत सम्बद्ध कर्मचारीलाई निर्देशन पनि दिए।

भूकम्पबाट क्षति भएका अछामको बान्नीगढी जयगढ गाउँपालिका वडा नम्बर ३ र ४ का ४ जना लाभग्राहीलाई आवास पुनर्निर्माणअन्तर्गत पहिलो किस्ता बापत प्रतिघर ५० हजार रूपैयाँ प्रदान गरिएको छ। एकाइ स्थापनासँगै लाभग्राहीलाई उक्त रकमको चेक हस्तान्तरण गरिएको थियो। 

त्यस अवसरमा प्रतिनिधिसभा सदस्य पुष्पबहादुर शाह, राष्ट्रिय  विपद जोखिम न्यूनीकरण तथा व्यवस्थापन प्राधिकरणका कार्यकारी प्रमुख  भीष्मकुमार भुसाल, प्रदेशसभा सदस्य मानबहादुर रावल, तीनवटै जिल्लाका प्रमुख जिल्ला अधिकारी उपस्थित थिए।

जाजरकोट भूकम्पमा परी एकसय ५७ जनाले ज्यान गुमाएका थिए भने तीनसय ७५ जना घाइते भएका थिए। विसं २०७९ कात्तिकमा २३ गते बिहान डोटीको पूर्वीचौकी गाउँपालिका ३ को गैरगाउँ केन्द्रबिन्दु भएर ६ दशमलव ६ म्याग्नेच्युडको भूकम्प भएको थियो। 

उक्त भूकम्पमा उक्त गाउँका ६ जनाको मृत्यु भएको थियो भने ८ जना घाइते भएका थिए। डोटीका नौवटा स्थानीय तहबाट ५ सय ४१ वटा निजी आवास पूर्णरुपमा क्षति भएका र चारहजार एक हजार ४६ घरहरुमा आंशिक क्षति भएको छ थियो। त्यस्तै ४७ विद्यालय, आठ स्वास्थ्य चौकी, नौ  सरकारी भवन र चार सांस्कृतिक सम्पदामा पनि क्षति भएको थियो। रासस


प्रकाशित : शनिबार, फागुन २४ २०८११७:०८

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend