काठमाडौं- चीनको तिब्बतस्थित डिङ्गे काउन्टी केन्द्रबिन्दु भएर भएको भूकम्पको धक्का देशका भागमा महसुस गरिएको छ।

राष्ट्रिय भूकम्प मापन तथा अनुसन्धान केन्द्रका अनुसार आज अपराह्न २:३५ बजे उक्त स्थान केन्द्र भएर ५ दशमलव ९ रेक्टर स्केलको भूकम्प गएको हो।

यसअघि गत पुस २३ गते सोही स्थानमा ७ रेक्टर स्केलको भूकम्प गएको थियो।

आज बिहान ६ बजेर २० मिनेटमा बागलुङको खुखानी केन्द्रबिन्दु भइ ४ दशमलव १ रेक्टर स्केलको भूकम्प गएको केन्द्रले जनाएको छ।

आजै बिहान ३:१४ बजे म्याग्दीको मुरी आसपास केन्द्रबिन्दु भएको ४ रेक्टरको भूकम्प गएको थियो। रासस