-min.gif)
काठमाडौं- आईएमई समूह उत्पादनमूलक उद्योगमा प्रवेश गरेको छ। महोत्तरीको गौशालामा पेपर र रौतहटमा सिमेन्ट फाइबर बोर्ड उद्योग स्थापना गरेर आईएमई समूह उत्पादनमूलक उद्योगमा पनि प्रवेश गरेको हो।
महोत्तरीमा दुई अर्ब रुपैयाँ लगानीमा स्थापना गरिएको नेपाल पल्स एन्ड पेपर इन्डस्ट्रिज उद्घाटनको तयारीमा छ। पेपर उद्योगको दैनिक उत्पादन क्षमता ७० टन रहेको जनाइएको छ।
.gif)
यस्तै रौतहटको विजयपुर फतवामा एक अर्ब रुपैयाँ लगानीमा स्थापित ‘एभरेस्ट फाइबर बोर्ड’ उद्योग बैशाखदेखि सञ्चालनमा आउने आईएमई समूहले जनाएको छ।
.gif)
.jpg)
फाइबर बोर्डको उत्पादन क्षमता दैनिक ७० हजारदेखि एक लाख वर्गफिट रहेको छ। अहिले उद्योगमा चिनियाँ लेटेस्ट प्रविधिको मेसिन जडान र ड्राइ परीक्षणको काम चलिरहेको छ। उद्योगको उत्पादनमा करिब ५० प्रतिशत सिमेन्ट र अरू ५० प्रतिशत फाइबरलगायत अन्य कच्चा पदार्थ प्रयोग हुनेछ।
