काठमाडौं- नेपाल आयल निगमले डिजेल र मट्टितेलको मूल्य घटाएको छ। त्यस्तै पेट्रोल, एलपी ग्यास र हवाई इन्धनको मूल्य यथावत राखिएको छ।

निगमको आज बसेको सञ्चालक समितिको बैठकले मूल्ु समायोजन गर्ने निर्णय गरेको हो। निगमले डिजेल र मट्टितेलको मूल्य प्रतिलिटर १ रुपैयाँ घटाएको छ। 

इन्डियन आयल कर्पोरेसनबाट शुक्रबार प्राप्त नयाँ खरिद मूल्यअनुसार घटेर आएकोले यहाँ पनि घटाइएको निगमले जनाएको छ।

डिजेल र मट्टितेल बाहेक अन्य इन्धनको मूल्य भने बढेर आएको निगमको भनाइ छ।

खाना पकाउने एलपी ग्यासको मूल्य प्रतिसिलिन्डर ६ रुपैयाँ २७ पैसा र पेट्रोलको मू्ल्य लिटरको ५० पैसा बढेर आए पनि हाललाई यथावत् राख्ने निर्णय निगम सञ्चालक समितिले गरेको छ।