काठमाडौं- सरकारले वार्ता समिति गठन गरेसँगै पाथीभरामा निर्माणाधीन केबलकारको विरोधमा उत्रिएको समूह वार्ताका लागि तयार भएको छ।
गृह मन्त्रालयका सहसचिव प्रेमप्रसाद भट्टराईको संयोजकत्वमा आइतबार वार्ता समिति गठन गरेपछि आन्दोलनरत पक्षले पनि वार्ता सहजीकरणका लागि समिति गठन गरेको हो।
.gif)
मुक्कुमलुङ संरक्षक संस्था/राजनीतिक दलहरूद्वारा वार्ता सहजीकरण समिति गठन गरिएको विज्ञप्तिमा जनाइएको छ। आन्दोलनरत पक्षका तर्फबाट प्राज्ञ अमर तुम्याहाङको संयोजकत्वमा शंकर लिम्बू, राम मादेन र सरस्वता सिंगक (सरु) सदस्य रहेको वार्ता सहजीकरण समिति गठन गरिएको हो।
.gif)
.jpg)
मुक्कुमलुङ सेमुक्तु मुक्तुबो माङले पाथीभरा क्षेत्रमा केबलकार निर्माण खारेजीको माग गर्दै आन्दोलन गर्दै आएको छ। उक्त समूहले अरुणपूर्व नौ जिल्लामा अनिश्चितकालीन यातायात बन्दसहितको आन्दोलन गरिरहेको छ।
अहिले दुवै पक्ष वार्ताका लागि तयार भएपछि भने पाथीभरा केबलकारमा देखिएको विवाद समाधान हुने अपेक्षा गरिएको छ।
