काठमाडौं- नेपाल विद्युत प्राधिकरणको 'एरियल बनडल्ड कन्डक्टर' (एबीसी) आपूर्तिको समाचारका विषयमा आफूहरूको ध्यानाकर्षण भएको बिकोइ विल्डर्स प्रालिले जनाएको छ। 

ठेक्का प्रकरणमा सेटिङ नमिल्दा न्यायिक निकाय सार्वजनिक खरिद पुनरावलोकन समितिले दिएको आदेशमै कार्यकारी निर्देशक कुलमान घिसिङले अटेर गरेको समाचारका विषयमा आफूहरूको ध्यानाकर्षण भएको र नेपाल विद्युत् प्राधिकरणसँग पछिल्लो समय आफूहरूको कुनै असमझदारी नरहेको बिकोइले जनाएको छ। 

'समाचारमा हाम्रो यस कम्पनी बिकोइ विल्डर्सलाई पनि जोडेर लेखिएको हुँदा त्यसमा हाम्रो गम्भीर असहमति रहेको जानकारी गराउँदछौँ। नेपाल विद्युत् प्राधिकरणसँग पछिल्लो समय हाम्रो कुनै असमझदारी नरहेको स्पष्ट पार्न चाहन्छौँ। विगतमा केही असमझदारी भएर काम कारबाही रोकिए पनि पछिल्लो समय उक्त काम अघि बढाउन सबै प्रक्रिया पूरा गरेर सम्झौताको चरणमा रहेको छ' कम्पनीले भनेको छ। 

प्राधिकरणको बोलपत्रअनुसार मन्त्रमसँगको जेभीमा प्रस्ताव पेश गर्ने कम्पनी बिकोइ हो। पहिले काम कारबाही रोकिए पनि अहिले सबै विषय प्रक्रियामा रहेको जनाउँदै समाचारप्रति असहमति जनाएको बिकोइले प्राधिकरणसँग विगतमा समस्या रहेको स्वीकार गर्दै समाचारको पुष्टि गरेको छ। 

'१ अर्ब ६० करोडको ठेक्कामा आफूअनुकूल नभएपछि न्यायिक निकायको बर्खिलापमा कुलमान' शीर्षकमा बिजनेस न्युजले समाचार प्रकाशित गरेको थियो। खरिद गर्न ठेक्का आह्वान गर्ने र आफूअनुकूल कम्पनी वा आपूर्ति कम्पनी छनोट हुन नसके ठेक्का रद्द गरेर आयोजना नै वर्षौँ लम्याउने काम घिसिङले गरिरहेका छन्।

१ अर्ब ६० करोडको ठेक्कामा आफूअनुकूल नभएपछि न्यायिक निकायको बर्खिलापमा कुलमान