कैलाली- ५ सय ४९ ग्राम २ सय मिलिग्राम सुनसहित दुईजना भारतीय पक्राउ परेका छन्।
भारत उत्तर प्रदेश मोहला बजार-२ पलियाकला खिरी बस्ने ४४ वर्षीय दिपक गुप्ता र ३४ वर्षीय सुमित बर्मालाई सुनका टुक्रा २ थानसहित आइतबार बिहान धनगढी उपमहानगरपालिका-३ ट्राफिक चौराहबाट पक्राउ गरिएको प्रहरीले जनाएको छ।
जिल्ला प्रहरी कार्यालय कैलालीबाट खटिएको प्रहरीले यूपी ३२ जेभि ९२०० नम्बरको कारलाई जाँच गर्ने क्रममा उक्त धातु फेला पारी कार चालक दिपक र कारमा सवार सुमितलाई पक्राउ गरेको हो।
प्रहरीले उनीहरूको साथबाट ल्यापटप १ थान, मोबाइल २ थान, ४४ हजार ८ सय १० नेपाली रूपैयाँ र १ हजार २ सय ८० भारतीय रूपैयाँ समेत बरामद गरेको छ।
यसबारे थप आवश्यक अनुसन्धान भइरहेको प्रहरीले जनाएको छ।
