काठमाडौ- अमेरिकाको क्यालिफोर्नियामा ७ म्याग्निच्युड मापन भएको शक्तिशाली भूकम्प गएको अमेरिकी भौगर्भिक सर्वेले जनाएको छ। उत्तरी क्यालिफोर्नियाको फर्नडेलमा भूकम्पको केन्द्र रहेको अन्तराष्ट्रिय सञ्चारमाध्यमहरूले जनाएका छन्।
फर्नडेल, हम्बोल्ट काउन्टीको एक सानो शहर हो । यो ओरेगन सीमाबाट करिब २०९ किलोमिटर टाढा पर्दछ। यसैगरी सान फ्रान्सिस्कोबाट ४१८ किलोमिटर टाढा पर्दछ।
.gif)
भूकम्प आएलगत्तै ५३ लाख जनामा सुनामीको चेतावनी जारी गरिएको थियो। तर पछि उक्त चेतावनी हटाइएको बीबीसीले जनाएको छ।
.gif)
.jpg)
स्थानीय अधिकारीहरुका अनुसार भूकम्पबाट मानवीय क्षति वा कुनै ठूलो भौतिक क्षतिको सूचना प्राप्त भएको छैन। हम्बोल्ट काउन्टीको शेरिफ कार्यालयका अनुसार भूकम्प आएको केही समयसम्म विद्युत् आपूर्ति बन्द भएको थियो।
