-min.gif)
काठमाडौं- सरकारले उखुको समर्थन मूल्य २० रुपैयाँ वृद्धि गरेको छ। मन्त्रिपरिषद्को बिहीबारको बैठकले उद्योगी (उखु मिल)ले किसानहरूलाई उपलब्ध गराउने रकममा प्रतिक्विन्टल २० रुपैयाँ वृद्धि गरेको हो। जसअनुसार अब किसानले प्रतिक्विन्टल ५ सय ८५ रुपैयाँ उखु मिलबाट पाउने छन्।
सरकारले उखु किसानलाई अनुदानबापत दिने रकमको भने निर्णय गर्न बाँकी छ। कृषि तथा पशुपंक्षी विकासमन्त्री रामनाथ अधिकारीले उखु किसानलाई अनुदानबापत दिने रकम वृद्धि गर्नुपर्ने प्रस्ताव गरेका छन्।
.gif)
मुलुकको आर्थिक अवस्थालाई समेत ख्याल गरेर अनुदानबापत दिने रकम पछि निर्धारण गर्ने मन्त्रिपरिषद्ले निर्णय गरेको हो। सरकारले यसअघि उखु किसानलाई प्रतिक्विन्टल ७० रुपैयाँ अनुदान दिएको थियो।
.gif)
.jpg)
