काठमाडौं- काठमाडौंबाट पोखराका लागि उडेको गुण एयरलाइन्सको हवाई जहाज उड्दा उड्दै आकाशमा नै ढोका खुलेपछि काठमाडौं फर्काइएको छ।
‘प्राविधिक गडबडीले ढोका खुलेछ, अहिले सबै चेकजाँच गरेर पुनः उडानको तयारी भइरहेको छ,’ गुण एयरलाइन्सका प्रवक्ता प्रज्वल थापाले भने।
काठमाडौंबाट उडेको करिब पाँच मिनेट मात्रै भएको थियो, जहाजले उचाइ लिँदै थियो, त्यही बेला यात्रु चढ्ने ढोका खुलेपछि प्राविधिक समस्या देखिएको भन्दै पुनः फर्काइएको थियो।
सो जहाजको आइतबार बिहान करिब साढे आठ बजे पोखरा उड्ने नियमित तालिका थियो । तर १० बजेपछि मात्रै काठमाडौंबाट पोखराका लागि उडेको थियो। जसमा समस्या भएपछि फकाईएको हो। अब पुन: सोही जहाज पोखरा जाने तयारीमा रहेकोसमेत प्रवक्ता थापाले जानकारी दिए।
