शनिबार, फागुन ३ गते २०८१    
शनिबार, फागुन ३ २०८१
images
images

आर्किटेक्ट इन्जिनियर खोज्दै काठमाडौं महानगरपालिका

images
आइतबार, जेठ २७ २०८१
images
images
आर्किटेक्ट इन्जिनियर खोज्दै काठमाडौं महानगरपालिका

चालु आर्थिक वर्षका लागि काम गर्न इच्छुक व्यक्तिले आफूले आवेदनमा काम गर्न चाहेको कामको विवरण, आफूले काम गरेको भए अनुभवको क्षेत्रलगायत विवरण भर्नुपर्नेछ।

images
images

काठमाडौं- काठमाडौं महानगरपालिकाको श्रम बैंकमा करिब पाँच हजारको आवेदन परे पनि आर्किटेक्ट इन्जिनियरको भने आवश्यक सङ्ख्या नपुगेको जनाएको छ।

images
images
images

कामपाले गत भदौमा सीप भएका बेरोजगार जनशक्तिलाई श्रम बैंकमा आबद्ध हुन माग गरेको सूचनाअनुसार अहिलेसम्म चार हजार सात सय ७० जनाको आवेदन परेको कामपा श्रम बैंकका ‘फोकल पर्सन’ पवनकुमार ठाकुरले जानकारी दिए। उनका अनुसार आर्किटेक्ट इन्जिनियरको सङ्ख्या अत्यन्तै कम रहेको छ।

images
images

फोकल पर्सन ठाकुरका अनुसार अहिलेसम्म आर्किटेक्ट इन्जिनियर थोरैको सङ्ख्यामा आउनुभएकामा आएकामध्ये हधिकांश काममा लागिसकेका छन्। 'कामपालाई आर्किटेक्ट इन्जिनियर तत्कालका लागि १७ जना आवश्यक छ। त्यसका लागि कामपाले पुनः सार्वजनिक सूचना निकालेको छ', उनले भने, 'अन्य कामदारहरु मागभन्दा धेरै आउनुभएको छ भने आर्किटेक्ट इन्जिनियर अत्यन्त न्यून सङ्ख्यामा आउनुभएको छ।'

images
images
images

कामपाले आर्थिक वर्ष २०८०/८१ को वार्षिक नीति तथा कार्यक्रममा महानगर स्वर्णिम योजनाअन्तर्गत श्रम बैंक सञ्चालन गर्ने नीति लिएको थियो। सोहीअनुसार महानगरले आवेदन माग गरेको थियो।

'यसबाट सामाजिक विकास, पूर्वाधार निर्माण, मर्मतसम्भार, सम्पदा संरक्षण, वातावरण संरक्षण, सहरी सुव्यवस्था कायम गराउनेलगायत क्षेत्रमा काम गर्ने जनशक्तिको सूचीकरण हुनेछ', फोकल पर्सन ठाकुरले भने।

श्रम बैंकमा आएकामध्येबाट अहिले छ सय छनोट गरी काममा खटाइएको छ। आवश्यकता र मागअनुसार अन्यलाई पनि काममा खटाउने तयारी गरिरहेको कामपाले जनाएको छ। आवेदन दिनेमध्ये सबैभन्दा धेरै सरसफाइको क्षेत्रमा काम गर्ने जनशक्ति रहेको कामपाले जनाएको छ।

'बेरोजगारका लागि एउटा आधार तयार गरिदिने उद्देश्यले श्रम बैंकमा श्रमिकलाई आबद्ध गराइएको हो', फोकल पर्सन ठाकुरले भने, 'कामपाले तयार गरेको श्रम बैंकमा श्रमिकको नाम हुन्छ। जहाँ श्रमिकको ज्यालादर, कामको प्रकार, सम्पर्क नम्बर र श्रमिकको ठेगानालगायत विवरण उल्लेख गरिएको हुन्छ।' 

सोही विवरणका आधारमा आवश्यकता परेमा जनशक्ति उपलब्ध गराउन सकिने व्यवस्था छ। चालु आर्थिक वर्षका लागि काम गर्न इच्छुक व्यक्तिले आफूले आवेदनमा काम गर्न चाहेको कामको विवरण, आफूले काम गरेको भए अनुभवको क्षेत्रलगायत विवरण भर्नुपर्नेछ। आवेदन फाराममा विभिन्न ६४ प्रकारका काम उल्लेख गरिएका छन्।

फाराम आफू बसेको वडामा अथवा कामपाको रोजगार सेवा केन्द्रमा बुझाउनुपर्ने छ। श्रम बैंकमा आबद्ध हुन स्थायी ठेगाना जहाँ भए पनि काठमाडौंमा बसोबास भएको हुनुपर्नेछ। रासस


प्रकाशित : आइतबार, जेठ २७ २०८११४:३०

प्रतिक्रिया दिनुहोस
कार्यकारी सम्पादक

केदार दाहाल

सूचना तथा प्रसारण विभाग दर्ता नम्बर

२८३८/०७८-७९

© 2025 All right reserved to biznessnews.com  | Site By : SobizTrend