झापा- दाताले निःशुल्क उपलब्ध गराएको जमिनमा भद्रपुर नगरपालिका-३ को कार्यालय निर्माण भएको छ।
सरकारको एक करोड २४ लाख रूपैयाँको लागतमा दुईतले भवन निर्माण भएको हो। कार्यालयले आफ्नै भवनबाट मंगलबारदेखि सेवा प्रवाह गरेको छ।
स्थानीय ओमप्रकाश सरावगी, सत्यनारायण तायल, धनुहाङ सुहाङ, कल्याणकुमार राई, आइतबहादुर लिम्बू, श्याम थापामगर, निलमकुमार राई, कुवेर गुरुङ, भीमप्रसाद राई र केविर लिम्बूले पाँच कठ्ठा जमिन वडा कार्यालयलाई दान गरेका हुन्।
'साँघुरो भाडाको घरबाट सेवा प्रवाह त्यति सहज थिएन', वडाध्यक्ष हेमबहादुर कार्कीले भने, 'अब सेवाग्राही र कर्मचारीलाई काम गर्न असहज नहुनेमा विश्वस्त छु।' रासस
