काठमाडौं- सरकारले काजुको भन्सार महसुलदर घटाएको छ। खपटासहितको काजुको दर घटाइदिएको हो। यसअघि १५ प्रतिशत रहेको भन्सारलाई १० प्रतिशतमा झारिएको छ। खपटा छोडाएको र नछोडाएको काजुको भन्सार यसअघि एउटै रहेको थियो।
त्यस्तै सरकारले आलुको भन्सार बढाएको छ। यसअघि १० प्रतिशत रहेको आलुको भन्सार १५ प्रतिशत पुगेको छ। आलुमा भ्याट हटाएको सरकारले भन्सार बढाइदिएको छ।
मसालाको भन्सार महसुल २० बाट ३० प्रतिशत पुर्याइएको छ भने औषधी उपचार, शल्यचिकित्सा, दन्त उपचार, पशुचिकित्साका लागि प्रयोग हुने सामानको भन्सार ५ प्रतिशतबाट १५ प्रतिशन बनाइएको छ।
टेबलका सामग्री र भान्साका सामग्रीको भन्सार १५ प्रतिशतबाट बढाएर २० प्रतिशत बनाइएको छ। यसैगरी शौचालयमा प्रयोग हुने सामानको भन्सार १५ प्रतिशतबाट २० प्रतिशत बनाइएको छ।
