काठमाडौं- आगामी आर्थिक वर्ष २०८१/८२ को वार्षिक बजेट संघीय संसद्का दुवै सदनको संयुक्त बैठकमा प्रस्तुत भइरहेको छ।
बजेट प्रस्तुत गर्दै अर्थमन्त्री वर्षमान पुनले आगामी आर्थिक वर्ष पाँच जिल्लामा कस्तुरी मृगलगायत वन्यजन्तु पालनको व्यावसायिक फार्म स्थापना गर्न बजेट विनियोजन गरेको बताएका छन्।
अर्थमन्त्री वर्षमान पुनले म्याग्दी, मुस्ताङ, मनाङ, गोरखा र धादिङ जिल्लाको हिमाली क्षेत्रमा कस्तुरी मृगलगायत वन्यजन्तु पालन गर्ने व्यावसायिक फार्म स्थापना गरिने बताएका हुन्। यो कार्य निजी क्षेत्र र स्थानीय समुदायको सहभागितामा गरिने अर्थमन्त्री पुनले बताए।
