सिन्धुली- डलर साट्ने प्रलोभन देखाएर नगद १८ लाख रूपैयाँ ठगी गर्ने तीन जना पक्राउ परेका छन्।
प्रहरीले ठगीको अभियोगमा बाह्रबिसेका वर्षीय श्याम तामाङसहित तीन जनालाई प्रहरीले आइतबार साँझ पक्राउ गरेको हो।
गोलन्जोर गाउँपालिका-७ लौकुनमा इलामका ४४ वर्षीय पुरूषलाई अपरिचित व्यक्तिहरूले डलर साट्ने प्रलोभन देखाएर पीडितको १८ लाख रूपैयाँ ठगी गरी २० रूपैयाँका नोटहरू तथा सादा कागजका टुक्राहरु दिइ फरार भएका थिए।
ठगीको सूचनाका आधारमा अनुसन्धानमा खटिएको प्रहरीले उनीहरूलाई ठगी गरेको रकम १८ लाख रूपैयाँ, नेपाली रूपैयाँ २० दरको ६९ थान, अमेरिकी डलर १ दरको २ सय ३७ थान र उनीहरूले प्रयोग गरेको २ वटा मोटरसाइकलसहित पक्राउ गरेको हो।
हाल फरार रहेका अन्य १ जनाको खोजी गर्नुका साथै यस सम्बन्धमा थप अनुसन्धान गरिरहेको प्रहरीले जनाएको छ।
