काठमाडौं- राष्ट्रिय वाणिज्य बैंकको प्रमुख कार्यकारी अधिकृतमा देवेन्द्र रमण खनाल नियुक्त भएका छन्।
जेठ १० गते बसेको बैंकको सञ्चालक समितिको बैठकले खनाललाई सीईओमा नियुक्त गरेको हो। ४ वर्ष अवधिको लागि खनाल बैंकको प्रमुख कार्यकारी नियुक्त भएका हुन्।
यसअघि किरण कुमार श्रेष्ठ आफ्नो दुई कार्यकाल पूरा गरी अवकाश भएसँगै बैंकले खनाललाई निमित्त प्रमुख कार्यकारी अधिकृतको जिम्मेवारी दिएको थियो।
निमित्त प्रमुख कार्यकारी अधिकृतबाट खनाललाई बैंकको सञ्चालक समितिले प्रमुख कार्यकारी अधिकृतमा नियुक्त गरेको हो।
बैंकको सीईओका लागि खनाल सहित २० जनाले आवेदन दिएका थिए। जसमा बैंकका नायब प्रमुख कार्यकारी अधिकृत दुर्गाकुमारी कँडेल र पवन रेग्मी समेत रहेका थिए।
यस्तै, माधवप्रसाद रेग्मी, कृष्णप्रसाद आचार्य, शंकर केसी, प्रमोदबाबु तिवारी, रामदेव यादव, अगम मखिया, विष्णदेव यादव, प्रकाशचन्द्र अधिकारी, डा.रामराज उपाध्यय,झविन्द्र खत्री, सरेश देवकोटा,कृष्णबहादुर अधिकारी, गणेशप्रसाद गौतम लगायतले आवेदन दिएका थिए।
