काठमाडौं- भारतीय बालाजी ब्रान्डका घरायसी उपकरण अब नेपालमै उत्पादन हुने भएको छ। कम्पनीले नेपालमै उत्पादन गर्नेगरी उद्योग दर्ता गरेको छ। बालाजी म्यानुफ्याक्चरिङ प्रालि दर्ता भएको छ।

उद्योग विभागका अनुसार बालाजी म्यानुफ्याक्चरिङमा ४९ करोड ९० लाख रुपैयाँको लगानी प्रतिबद्धता आएको छ। उद्योग बारा जिल्लामा रहने छ।

उद्योगले वार्षिक १ लाख ५० हजार वटा हिटर, ५० हजार वटा इन्डक्शन कुकटप, कुकर इन्डक्नस ६० हजार, ६० हजार भान्सामा प्रयोग हुने भाँडाकुडा, फ्यान १ लाख २० हजार, मिक्स्चर ६० हजार र ग्यासस्टभ २ लाख थान वार्षिक उत्पादन लक्ष्यसहित उद्योग दर्ता भएको छ।

इन्फ्रारेट कुकटप ३० हजार, कुकर एण्ड आलमुनियम लगायतका ३० हजार भाँडाकुडा, विद्युतीय बल्ब, स्वीच तथा विद्युतीय फिटिङ र पल्ग लगायतका सामग्री १३ लाख थान उत्पादन गर्नेगरी उद्योग दर्ता भएको छ।

दर्ता विवरणमा उद्योगमा २ सय ६५ जनाले रोजगारी पाउनेसमेत प्रस्ताव गरिएको छ।