काठमाडौं- सरकारले आगामी वर्षभित्रै उत्पादित कृषि समाग्रीको संरक्षणका लागि देशभर सुविधासम्पनन चिस्यान केन्द्र निर्माण गरिने जनाएको छ।
राष्ट्रपति रामचन्द्र पौडेलले संसदको संयुक्त बैठकमा आगामी आर्थिक वर्षको नीति तथा कार्यक्रम प्रस्तुत गर्दै चिस्यान केन्द्र निर्माणमा निजी क्षेत्रसँग सहकार्य हुने जनाए।
कार्यक्रममा सातै प्रदेशमा बहुतले कृषि सामाग्री बिक्री केन्द्र र सुविधा सम्पन्न चिस्यान केन्द्र बनाउने घोषणा गरिएको हो।
सबै परियोजनामा निजी क्षेत्र, स्थानीय सरकार र कृषक समेतको अपनत्व हुने गरी कार्यक्रम तय गरिने घोषणा गरिएको छ।
