काठमाडौं- स्थानीय बजारमा सुनको मूल्यमा सामान्य गिरावट आएको छ। नेपाल सुनचाँदी व्यवसायी महासंघका अनुसार छापावाला सुन आइतबार प्रतितोला १ लाख ३८ हजार ४ सय रुपैयाँमा कारोबार भएकामा आज सोमबारका लागि १ लाख ३८ हजार १ सय रुपैयाँ निर्धारण भएको छ।
यस्तै तेजाबी सुन आइतबार १ लाख ३७ हजार ७ सय ५० रुपैयाँमा कारोबार भएकामा आज सोमबारका लागि १ लाख ३७ हजार ४ सय ५० रुपैयाँ निर्धारण भएको छ।
त्यस्तै चाँदीको मूल्य तोलामा १० रुपैयाँले ओरालो लागेको छ। आइतबार प्रतितोला १ हजार ७ सय २५ रुपैयाँमा कारोबार भएको चाँदी आज सोमबारका लागि भने १ हजार ७ सय १५ रुपैयाँ निर्धारण भएको छ।
