काठमाडौं- प्रधानमन्त्री पुष्पकमल दाहाल प्रचण्ड नेतृत्वको सरकारमा सत्ता साझेदार दल फेरिएपछि बनेको नयाँ मन्त्रिपरिषद्मा चारजना उपप्रधानमन्त्री भएका छन्।
गठबन्धनमा रहेका पार्टीहरूबीच भागवण्डा गर्दा चार पार्टीका चार नेताले विभिन्न मन्त्रालयसहित उपप्रधानमन्त्रीको पद लिएका छन्। जसमा एमालेबाट उपप्रधान तथा भौतिक पूर्वाधारमन्त्री रघुवीर महासेठ, माओवादीबाट उपप्रधान तथा परराष्ट्रमन्त्री नारायणकाजी श्रेष्ठ रहेका छन्।
यस्तै रास्वपाबाट उपप्रधान तथा गृहमन्त्री रवि लामिछाने, जनता समाजवादी पार्टी (जसपा) उपप्रधान एवं स्वास्थ्य तथा जनसङ्ख्यामन्त्री उपेन्द्र यादव रहेका छन्।
आइतबार नवनियुक्त उपप्रधानमन्त्री एवं स्वास्थ्य तथा जनसङ्ख्यामन्त्री उपेन्द्र यादव र न तथा वातावरणमन्त्री नवलकिशोर साह सुडीले पद तथा गोपनियताको शपथ ग्रहण गरेसँगै मन्त्रिपरिषद् विस्तार भएको हो। सरकारमा माओवादी केन्द्रसँगै एमाले, रास्वपा, एकीकृत समाजवादी र जसपा सहभागी छन्।
यस्तो छ मन्त्रिपरिषद्
१) प्रधानमन्त्री - पुष्पकमल दाहाल प्रचण्ड
२) उपप्रधान तथा भौतिक पूर्वाधारमन्त्री - रघुवीर महासेठ
३) उपप्रधान तथा परराष्ट्रमन्त्री - नारायणकाजी श्रेष्ठ
४) उपप्रधान तथा गृहमन्त्री - रवि लामिछाने
५) उपप्रधान एवं स्वास्थ्य तथा जनसङ्ख्यामन्त्री - उपेन्द्र यादव
६) अर्थमन्त्री - वर्षमान पुन
७) ऊर्जामन्त्री - शक्ति बस्नेत
८) संघीय मामिला तथा सामान्य प्रशासनमन्त्री - भानुभक्त जाेशी
९) संस्कृति पर्यटन तथा नागरिक उड्डयनमन्त्री - हितबहादुर तामाङ
१०) सञ्चार तथा सूचना प्रविधिमन्त्री - रेखा शर्मा
११) कानून न्याय तथा संसदीय मामिलामन्त्री - पदम गिरी
१२) कृषिमन्त्री - ज्वालाकुमारी साह
१३) भूमि व्यवस्था सहकारी तथा गरिबी निवारणमन्त्री - बलराम अधिकारी
१४) उद्योग, वाणिज्य तथा आपूर्तिमन्त्री - दामोदर भण्डारी
१५) महिला, बालबालिका तथा ज्येष्ठ नागरिकमन्त्री - भगवती चौधरी
१६) खानेपानीमन्त्री - राजेन्द्र राई
१७) रक्षामन्त्री - हरि उप्रेती
१८) सहरी विकासमन्त्री - धनबहादुर बुढा
१९) श्रम, रोजगार तथा सामाजिक सुरक्षामन्त्री - डीपी अर्याल
२०) शिक्षा, विज्ञान तथा प्रविधिमन्त्री - सुमना श्रेष्ठ
२१) युवा तथा खेलकुदमन्त्री - विराजभक्त श्रेष्ठ
२२) वन तथा वातावरणमन्त्री - नवलकिशोर साह सुडी
