काठमाडौं- नवनियुक्त अर्थमन्त्री वर्षमान पुनले निजी क्षेत्रलाई सँगै लिएर अर्थतन्त्रमा आशा जगाउने कोशिस गर्ने बताएका छन्।
बुधबार अर्थमन्त्रीको पदभार ग्रहण गर्दै पुनले आफू अर्थमन्त्री हुँदा जनतालाई निराश नबनाउने दाबी गरे। अर्थमन्त्री पुनले निजी क्षेत्रलाई सँगै लिएर हिड्नेसमेत बताए।
उनले भने, ‘प्रधानमन्त्रीले मलाई विश्वास गर्नुभएको छ। अर्थ मन्त्रालयको टिमलाई विश्वासमा लिएर काम गर्नेछु।’ अर्थमन्त्री पुनले आफ्ना अनुभव र ज्ञान प्रयोग गर्दै जनमुखी काम गर्ने बताए।
.jpg)
‘विगतमा पनि मन्त्रालय सम्हालिसकेका कारण मलाई केही अनुभव छ। म त्यही अनुभवको सदुपयोग गर्नेछु,’ उनले भने। नवनियुक्त अर्थमन्त्री पुन आजै पद तथा गोपनीयताको सपथ ग्रहण गरेका थिए।
