काठमाडौं- सोमबार नेपाली बजारमा सुनचाँदीको मूल्य स्थिर छ। यो साता आइतबार एकैदिन प्रतितोला दुईहजार रूपैयाँले बढेको सुनको मूल्य सोमबार भने स्थिर रहेको नेपाल सुनचाँदी व्यवसायी महासंघले जनाएको छ।
सोमबारका लागि छापावाल सुनको मूल्य प्रतितोला एक लाख २१ हजार रूपैयाँ तोकिएको छ भने तेजाबी सुनको मूल्य प्रतितोला एक लाख २० हजार चारसय रूपैयाँ कायम छ। आइतबार पनि सुन सोही मूल्यमा कारोबार भएको थियो।
आइतबार प्रतितोला १४ सय १० रूपैयाँ तोकिएको चाँदी सोमबार पनि सोही मूल्यमा कारोबार भइरहेको छ।
