काठमाडौं- विश्व बैंकले नेपाललाई दिने २० करोड डलर ऋण स्वीकृत गरेको छ। बैंकले नेपालको दिगो विकासमा सहयोगी हुने दुई शीर्षकमा दिने यो ऋण स्वीकृत गरेको हो। 

यसमा १० करोड डलर नीतिगत परियोजना  केन्द्रीत रहेको छ। राजस्व प्रणाली, सार्वजनिक ऋण व्यवस्थापन, ऋण पारदर्शिता तथा विदेशी लगानीमा सहजीकरण हुनेगरि नीतिगत र संस्थागत सुदृढीकरणमा खर्च हुनेछ। 

त्यस्तै अर्को १० करोड डलर भने पूर्वाधार आयोजना केन्द्रीत हुनेछ। जसमा प्रादेशिक तथा स्थानीय सहड सुधार परियोजनामा खर्च हुनेछ। प्रादेशिक र स्थानीय सडक सुधार परियोजनाका लागि यो ऋण परिचालन हुनेछ। 

विश्व बैंक नेपाल सरकारको सबैभन्दा ठूलो दातृ निकाय हो।