काठमाडौं- बिहीबार नेपाली बजारमा सुनको मूल्य प्रतितोला दुईसय रूपैयाँले बढेको छ भने चाँदीको मूल्य स्थिर छ।
बिहीबारका लागि छापावाल सुनको मूल्य प्रतितोला एक लाख १८ हजार चारसय रूपैयाँ र तेजाबी सुनको मूल्य प्रतितोला एक लाख १७ हजार ८ सय ५० रूपैयाँ कायम गरिएको नेपाल सुनचाँदी व्यवसायी महासंघले जनाएको छ।
महासंघका अनुसार चाँदीको मूल्य बिहीबार प्रतितोला एक हजार ३ सय ७५ रूपैयाँ कायम छ। चाँदी बुधबार पनि सोही मूल्यमा कारोबार भएको थियो।
