काठमाडौं- त्रिभुवन अन्तर्राष्ट्रिय विमानस्थलबाट करिब ८ सय ५५ ग्राम सुनसहित एक भारतीय नागरिक पक्राउ परेका छन्।
फ्लाई दुबईको उडानद्वारा दुबईबाट काठमाडौं आएका भारतीय नागरिक ३५ वर्षीय शरिफ अहमद अब्दुल गफुरलाई सोमबार राति सो परिमाणको सुनसहित प्रहरीले विमानस्थलबाट पक्राउ गरेको हो।
उनलाई विमानस्थलको आगमन टनेल गेटमा जाँच गर्ने क्रममा अवैध रूपमा लुकाइछिपाइ भन्सार छली लैजान लागेको सुनसहित पक्राउ गरिएको हो।
.jpg)
पक्राउ परेका गफुरलाई आवश्यक अनुसन्धान तथा कारबाहीको लागि भन्सार कार्यालय पठाइएको प्रहरीले जनाएको छ।
