काठमाडौं- यो साता लगातार दोस्रो दिन पनि सुनको मूल्य बढेको छ। आइतबार तोलामा पाँचसय रूपैयाँले बढेको सुनको मूल्य सोमबार प्रतितोला चारसय रूपैयाँले बढेको नेपाल सुनचाँदी व्यवसायी महासंघले जनाएको छ।
महासंघका अनुसार सोमबारका लागि छापावाल सुनको मूल्य प्रतितोला एक लाख १८ हजार रूपैयाँ तोकिएको छ भने तेजाबी सुनको मूल्य प्रतितोला एक लाख १७ हजार ४ सय ५० रूपैयाँ कायम छ।
चाँदीको मूल्य भने आज घटेको छ। आइतबार तोलामा २० रूपैयाँले बढेको चाँदीको मूल्य सोमबार प्रतितोला २० रूपैयाँले घटेको छ। चाँदी आज प्रतितोला एक हजार ४ सय १० रूपैयाँमा कारोबार भइरहेको छ।
