काठमाडौं- बिहीबार नेपाली बजारमा सुनको मूल्य स्थिर छ भने चाँदीको मूल्य सामान्य बढेको छ।
बिहीबारका लागि छापावाल सुनको मूल्य प्रतितोला एक लाख १६ हजार पाँचसय रूपैयाँ तोकिएको छ भने तेजाबी सुनको मूल्य प्रतितोला एक लाख १५ हजार ९ सय ५० रूपैयाँ कायम छ। सुन बुधबार पनि सोही मूल्यमा कारोबार भएको थियो।
यस्तै चाँदीको मूल्य आज प्रतितोला १० रूपैयाँले बढेको नेपाल सुनचाँदी व्यवसायी महासंघले जनाएको छ। महासंघका अनुसार चाँदी आज प्रतितोला एक हजार ३ सय ७५ रूपैयाँमा कारोबार भइरहेको छ।
