काठमाडौं- यो साता लगातार घटेको सुनको मूल्य बुधबार भने बढेको छ। तीन दिनमा १५ सय रूपैयाँले घटेको सुनको मूल्य बुधबार प्रतितोला ६ सय रूपैयाँले बढेको नेपाल सुनचाँदी व्यवसायी महासंघले जनाएको छ।
महासंघका अनुसार बुधबारका लागि छापावाल सुनको मूल्य प्रतितोला एक लाख १८ हजार ६ सय रूपैयाँ तोकिएको छ भने तेजाबी सुनको मूल्य प्रतितोला एक लाख १८ हजार ५० रूपैयाँ कायम छ।
चाँदीको मूल्य भने आज स्थिर छ। मंगलबार १३ सय ७५ रूपैयाँ कायम भएको चाँदी बुधबार पनि सोही मूल्यमा कारोबार भइरहेको महासंघले जनाएको छ।
