काठमाडौं- मंगलबार पनि नेपाली बजारमा सुनचाँदीको मूल्यमा वृद्धि भएको छ। यो साता आइतबार स्थिर रहेर सोमबार तोलामा तीनसय रूपैयाँले बढेको सुनको मूल्य मंगलबार पनि प्रतितोला तीनसय रूपैयाँले वृद्धि भएको हो।
मंगलबारका लागि छापावाल सुनको मूल्य प्रतितोला एक लाख १८ हजार ६ सय रूपैयाँ तोकिएको छ भने तेजाबी सुनको मूल्य प्रतितोला एक लाख १८ हजार ५० रूपैयाँ कायम छ।
चाँदीको मूल्य आज प्रतितोला १५ रूपैयाँले बढेको नेपाल सुनचाँदी व्यवसायी महासंघले जनाएको छ। महासंघका अनुसार चाँदी आज प्रतितोला एक हजार चारसय २० रूपैयाँमा कारोबार भइरहेको छ।
