काठमाडौं- सुनको मूल्य लगातार तेस्रो दिन पनि घटेको छ। यो साता आइतबार तोलामा चारसय रूपैयाँले बढेको सुनको मूल्य त्यसयता निरन्तर स्थिर रहेको नेपाल सुनचाँदी व्यवसायी महासंघले जनाएको छ।
बुधबारका लागि छापावाल सुनको मूल्य प्रतितोला एक लाख १८ हजार चार सय र तेजाबी सुनको मूल्य प्रतितोला एक लाख १७ हजार ८ सय ५० रूपैयाँ कायम छ। सोमबार र मंगलबार पनि सुन सोही मूल्यमा कारोबार भएको थियो।
चाँदीको मूल्य भने आज बढेको छ। आइतबार तोलामा पाँच रूपैयाँले बढेर सोमबार स्थिर रही मंगलबार प्रतितोला २० रूपैयाँले घटेको चाँदीको मूल्य बुधबार प्रतितोला १० रूपैयाँले बढेको हो।
महासंघका अनुसार चाँदी आज प्रतितोला एक हजार ३ सय ८० रूपैयाँमा कारोबार भइरहेको छ।
