काठमाडौं- नेपाली बजारमा आइतबार सुनको मूल्यमा वृद्धि भएको छ भने चाँदीको मूल्य घटेको छ।
आइतबार तोलामा चार सय रूपैयाँले बढेर छापावाल सुनको मूल्य प्रतितोला एक लाख १८ हजार चार सय रूपैयाँ कायम छ भने तेजाबी सुनको मूल्य प्रतितोला एक लाख १७ हजार ८ सय ५० रूपैयाँ तोकिएको छ।
चाँदीको मूल्य आज प्रतितोला ५ रूपैयाँले घटेको नेपाल सुनचाँदी व्यवसायी महासंघले जनाएको छ। महासंघका अनुसार चाँदी आज प्रतितोला एक हजार ३ सय ९० रूपैयाँमा कारोबार भइरहेको छ।
