.gif)
.gif)
काठमाडौं- मंगलबार पनि सुनको मूल्य घटेको छ। यो साता आइतबार स्थिर रही सोमबार तोलामा सातसय रूपैयाँले घटेको सुनको मूल्य मंगलबार प्रतितोला दुईसय रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार मंगलबारका लागि छापावाल सुनको मूल्य प्रतितोला एक लाख १८ हजार ६ सय रूपैयाँ तोकिएको छ भने तेजाबी सुनको मूल्य प्रतितोला एक लाख १८ हजार ५० रूपैयाँ कायम छ।
चाँदीको मूल्य भने आज स्थिर छ। आइतबार स्थिर रहेर सोमबार प्रतितोला पाँच रूपैयाँले बढेको चाँदीको मूल्य आज स्थिर रहेको हो। सोमबार प्रतितोला १४ सय १५ रूपैयाँ मूल्य तोकिएको चाँदी मंगलबार पनि सोही मूल्यमा कारोबार भइरहेको छ।
