काठमाडौं- बिहीबार नेपाली बजारमा सुनको मूल्य प्रतितोला १३ सय रूपैयाँले बढेको छ।
बिहीबार छापावाल सुनको मूल्य प्रतितोला एक लाख २२ हजार रूपैयाँ पुगेको छ भने तेजाबी सुनको मूल्य प्रतितोला एक लाख २१ हजार चार सय रूपैयाँ कायम गरिएको नेपाल सुनचाँदी व्यवसायी महासंघले जनाएको छ।
चाँदीको मूल्य पनि आज बढेको छ। महासंघका अनुसार चाँदी आज तोलामा १५ रूपैयाँले बढेर प्रतितोला एक हजार चार सय ९० रूपैयाँमा कारोबार भइरहेको छ।
