काठमाडौं- सार्वजनिक खरिद अनुगमन कार्यालयले दुई वटा ठेक्कामा काम नगर्ने निर्माण कम्पनीहरूलाई कालोसूचीमा राखेको छ। 

कार्यालयले बिहीबार एक सूचना जारी गर्दै दुई वटा अलगअलत ठेक्का लिएर काम नगर्ने निर्माण कम्पनीलाई तीन वर्षसम्मका लागि कालोसूचीमा राखेको हो। 

भारतीय निर्माण कम्पनी एमपी सितानी एन्ड सन्ससहित अन्य दुई नेपाली निर्माण कम्पनीको जेभीमा मध्यपहाडी राजमार्गको ठेक्का लिएका थिए। मध्यपहाडी राजमार्ग निर्देशनालय अन्तर्गतको राजमार्ग आयोजना कार्यालय कुस्माले लगाएको ठेक्का एमपी/एससीएफ/ईसीसी जेभीले पाएको थियो। 

उक्त जेभीमा भारतीयसहित सूर्य कन्स्ट्रक्सन फर्म र एलिट कन्स्ट्रक्सन फर्म थिए। यो जेभीलाई आयोाजना कार्यालयको सिफरिसमा सार्वजनिक खरिद अनुगमन कार्यालयले ३ वर्षका लागि कालोसूचीमा राखेको हो। 

त्यस्तै पोखरा महानगरपालिकाको सिफारिसमा कार्यालयले समयमा काम नगर्ने भूमि इन्फ्रास्ट्रक्चर प्रालिलाई पनि कालोसूचीमा राखेको छ। यो कम्पनीलाई २ वर्षका लागि कालोसूचीमा राखिएको हो। 

कालोसूची अवधिभर यी कम्पनीहरुले सरकारी टेन्डरमा सहभागी हुन पाउने छैनन्। कार्यालयले सार्वजनिक खरिद ऐन २०६३ को दफा ६३ को उपदफा  बमोजिम पुस ११ गतेको निर्णयअनुसार कालोसूचीमा राखेको जनाएको छ।