काठमाडौं- बुधबार सुनको मूल्य बढेको छ भने चाँदीको मूल्य घटेको छ। मंगलबार तोलामा ६ सय रूपैयाँले बढेको सुनको मूल्य बुधबार प्रतितोला दुई सय रूपैयाँले बढेको हो।
बुधबारका लागि छापावाल सुनको मूल्य प्रतितोला एक लाख २० हजार सात सय रूपैयाँ तोकिएको छ भने तेजाबी सुनको मूल्य प्रतितोला एक लाख २० हजार एक सय रूपैयाँ कायम रहेको नेपाल सुनचाँदी व्यवसायी महासंघले जनाएको छ।
महासंघका अनुसार चाँदी आज तोलामा १० रूपैयाँले घटेर प्रतितोला १४ सय ७५ रूपैयाँमा कारोबार भइरहेको छ।
