काठमाडौं- पोखराबाट काठमाडौंका लागि उड्न लागेको बुद्ध एयरको जहाजको आपतकालीन ढोका एक्कासी खुलेको छ। 

बिहान ९ बजे काठमाडौंका लागि उड्न धावनमार्गबाट उड्ने तयारी हुँदैगर्दा ढोका खुलेपछि यात्रुहरू त्रसित बनेका थिए। ढोकाको सिटमा बसेका यात्रुले ढोका खोलेको एयरलाइन्सले जानकारी दिएङ्को छ। 

ढोका खोल्ने यात्रुलाई अहिले सुरक्षाकर्मीले जाँच गरिरहेका छन्। 

उडान नं. ६५२ का जहाजको इर्मजेन्सी ढोका खुलेको विषयमा अहिले विमानस्थलका प्राविधिकले चेकजाँच गरिरेहको बुद्ध एयरले जानकारी दिएको छ। 

यात्रुहरूलाई अर्को जहाजबाट काठमाडौं ल्याउने तयारी भइरहेको एयरलाइन्सले जानकारी दिएको छ।