काठमाडौं- कामना सेवा विकास बैंकले नेपाल धितोपत्र बोर्ड (सेबोन) बाट इजाजतप्राप्त ब्रोकर कम्पनी सेयरप्रो सेक्युरिटिज प्रालिसँगको सम्झौतामा फाइभ इन वान सेवा सार्वजनिक गरेको छ।
यस सम्झौतापश्चात् बैंकका ग्राहकहरुले बचत खाता, डिम्याट खाता, सेयर ट्रेडिङ खाता (टीएमएस), सि-आस्वा र मेरो सेयर एकै सेवामार्फत प्राप्त गर्न सक्नेछन्। उक्त सेवामार्फत आफ्ना ग्राहकहरुले सरलरुपमा सेयर कारोबार गर्न सहज होस् भन्ने उद्देश्यले यस्ता सेवाहरु उपलब्ध गराएको बैंकले जनाएको छ।
काठमाडौं-३०, ज्ञानेश्वरमा केन्द्रीय कार्यालय रहेको बैंकले देशका विभिन्न स्थानहरुमा १ सय ३५ वटा सञ्जालहरु, २१ शाखारहित बैंकिङ सेवा तथा ७७ वटा एटीएममार्फत ग्राहकहरुलाई आफ्नो सेवाहरु प्रदान गर्दै आएको छ।
साथै, बैंकले एबीबीएस, एसएमएस बैंकिङ, मोबाइल बैंकिङ सि-आस्वालगायतका माध्यमबाट समेत सम्पूर्ण बैंकिङ सेवाहरु उपलब्ध गराउँदै आएको तथा समय सापेक्ष आफ्ना सेवाहरु थप गर्दै जाने बैंकको योजना रहेको छ।
