काठमाडौं- यो साता लगातार घटेको सुनको मूल्य बिहीबार तोलामै २८ सय रूपैयाँले बढेको छ।
बिहीबारका लागि छापावाल सुनको मूल्य प्रतितोला एक लाख १८ हजार ८ सय रूपैयाँ तोकिएको छ भने तेजाबी सुनको मूल्य प्रतितोला एक लाख १८ हजार २ सय ५० रूपैयाँ कायम गरिएको नेपाल सुनचाँदी व्यवसायी महासंघले जनाएको छ।
यो साता सुनको मूल्य आइतबार तोलामा १३ सय, सोमबार पाँच सय, मंगलबार सात सय बुधबार प्रतितोला तीन सय रूपैयाँले घटेको थियो। बुधबार छापावाल सुन एक लाख १६ हजार र तेजाबीको मूल्य प्रतितोला एक लाख १५ हजार ४ सय ५० रूपैयाँ कायम थियो।
नेपाली बजारमा आज चाँदीको मूल्य पनि वृद्धि भएको छ। महासंघका अनुसार चाँदी आज तोलामा ५५ रूपैयाँले बढेर प्रतितोला एक हजार चार सय ५५ रूपैयाँमा कारोबार भइरहेको छ।
