काठमाडौं- यो साता नेपाली बजारमा लगातार तेस्रो दिन पनि सुनको मूल्य घटेको छ। आइतबार तोलामा १३ सय र सोमबार पाँच सय रूपैयाँले घटेको सुनको मूल्य मंगलबार प्रतितोला ७ सय रूपैयाँले घटेको हो।
मंगलबारका लागि छापावाल सुनको मूल्य प्रतितोला एक लाख १६ हजार ३ सय रूपैयाँ तोकिएको छ भने तेजाबी सुनको मूल्य प्रतितोला एक लाख १५ हजार ७ सय ५० रूपैयाँ कायम गरिएको नेपाल सुनचाँदी व्यवसायी महासंघले जनाएको छ।
आइतबार प्रतितोला ३५ रूपैयाँ र सोमबार १० रूपैयाँले घटेको चाँदीको मूल्य भने मंगलबार स्थिर छ। महासंघका अनुसार चाँदी आज प्रतितोला एक हजार चार सय १० रूपैयाँमा कारोबार भइरहेको छ।
