काठमाडौं- सार्वजनिक खरिद तथा अनुगमन कार्यालयले समयमा काम नगर्ने १२ वटा निर्माण कम्पनीलाई कालोसूचीमा राखेको छ। ठेक्का लगाउने सार्वजनिक निकायले कालोसूचीमा राख्न गरेको सिफारिसअनुसार खरिद कार्यालयले गोलबजार-सिराहा ठेगाना रहेको आदर्श कन्स्ट्रक्सन कम्पनीलाई तीन वर्ष कालोसूचीमा राखेको हो।
त्यस्तै पोखरा महानगरपालिका-८ कास्कीको त्रिवेणी निर्माण सेवालाई दुई वर्षका लागि कालोसूचीमा राखेको छ। नेपालगञ्जको गंगोत्री देवी निर्माण सेवालाई पनि दुई वर्षका लागि कालोसूचीमा राखिएको छ।
पाँचथरको कमल कन्स्ट्रक्सन, बाँकेको अनामिका कन्स्ट्रक्सन, बाँकेकै भावेश कन्स्ट्रक्सन, काठमाडौं, टेकुको ऊर्जा-कृशभ मस्ट जेभीलाई डेढ/डेढ वर्ष कालोसूचीमा राखेको हो।
.jpg)
कार्यालयले मंसिर २४ गतेको निर्णयअनुसार सार्वजनिक खरिद ऐन २०६३ को दफा ६३ को उपदफा १ बमोजिम सार्वजनिक सूचना जारी गरी कालोसूचीमा राखेको हो।
