काठमाडौं- नेपाली बजारमा सोमबार पनि सुनचाँदीको मूल्य घटेको छ। आइतबार तोलामा १३ सय रूपैयाँले घटेको सुनको मूल्य सोमबार प्रतितोला पाँच सय रूपैयाँले घटेको हो।
सोमबार छापावाल सुनको मूल्य प्रतितोला एक लाख १७ हजार रूपैयाँ कायम छ भने तेजाबी सुनको मूल्य प्रतितोला एक लाख १६ हजार चार सय ५० रूपैयाँ तोकिएको नेपाल सुनचाँदी व्यवसायी महासंघले जनाएको छ।
आज चाँदी प्रतितोला १० रूपैयाँले घटेको छ। चाँदी आज प्रतितोला एक हजार चार सय १० रूपैयाँमा कारोबार भइरहेको छ।
