काठमाडौं- नेपाली बजारमा आइतबार सुनचाँदीको मूल्य घटेको छ। आइतबार सुनको मूल्य प्रतितोला १३ सय र चाँदीको मूल्य प्रतितोला ३५ रूपैयाँले घटेको नेपाल सुनचाँदी व्यवसायी महासंघले जनाएको छ।
महासंघका अनुसार आइतबारका लागि छापावाल सुनको मूल्य प्रतितोला एक लाख १७ हजार पाँच सय रूपैयाँ तोकिएको छ भने तेजाबी सुनको मूल्य प्रतितोला एक लाख १६ हजार ९ सय ५० रूपैयाँ कायम छ।
चाँदी आज प्रतितोला एक हजार ४ सय २५ रूपैयाँमा कारोबार भइरहेको छ।
