काठमाडौं- राष्ट्रिय स्वतन्त्र पार्टीका सांसद मनिष झाले एनसेलको सेयर बिक्री प्रकरणमा स्थापित संयन्त्रलाई बाइपास गर्नेगरी आयोग बनाउन नहुने बताएका छन्।
सार्वजनिक लेखा समितिको बैठकमा बोल्दै झाले सत्ता गठबन्धनले यो विषयमा छानबीन गर्न आयोग बनाउने निर्णय गरेको विषयप्रति लक्षित गर्दै यो गर्न नहुने बताएका हुन्।
सेयर बिक्री प्रथम दृष्टिमै अस्वभाविक देखिएको भएपनि यसका लागि राज्यका स्थापित संयन्त्रबाट काम सुरू गर्नुपर्ने उनको भनाइ छ।
.jpg)
कम्पनी रजिष्ट्रार, उद्योग विभाग, नेपाल दूरसञ्चार प्राधिकरण जस्ता जिम्मेवारी भएका निकायबाटै काम हुनुपर्ने उनको भनाइ छ।
करको विषयमा आयोगले भन्दा आन्तरिक राजस्व विभागले नै राम्रो गर्नेमात्र होइन राजनीतिक निर्णयबाट बनाइने आयोगबाट प्रतिफलभन्दा पनि चोख्याउने गरेको यसअघिकै अनुभव भएकाले त्यस्तो गर्न नहुने उनको भनाइ छ।
लेखा समितिले उद्योग विभाग, कम्पनी रजिष्ट्रारको कार्यालय र दूरसञ्चार प्राधिकरणसँग जवाफ मागेको थियो। यी सबै निकायले एनसेलको सेयर बिक्रीका बारेमा यसअघि औपचारिक जानकारी नआएको जवाफ दिएका छन्।
