काठमाडौं- एनसेलको सेयर खरिद बिक्रीमा प्रधानमन्त्री पुष्पकमल दाहाल ‘प्रचण्ड’ले चासो व्यक्त गरेका छन्।
देश बाहिर नै एनसेलको ८० प्रतिशत सेयर बिक्री भएपछि प्रधानमन्त्री प्रचण्डले चासो व्यक्त गरेका छन्। देश बाहिर नै कारोबार भएकाले यो क्रममा विधि र प्रक्रियापूरा भए नभएको विषयमा अनुसन्धान गर्न निर्देशन दिएका छन्।
प्रचलित कानुनी प्रावधानको पालना भए नभएको, शेयर बिक्री वितरण गर्दा प्रचलित विधि र प्रक्रिया पालना भए नभएको एवं यसबाट नेपाल नेपालको दूरसञ्चार क्षेत्र र विदेशी लगानीमा पर्ने असर तथा नेपाल सरकारको राजस्वलगायतका विषयमा पर्ने प्रभावका बारेमा सम्बन्धित निकायलाई शीघ्र अध्ययन गर्न प्रचण्डले निर्देशन दिएका छन्।
.jpg)
एनसेलमा रहेको ८० प्रतिशत सेयर अजियाटाले बिक्री गरेको थियो। यसअघि नै २० प्रतिशत स्थानीय साझेदरका रुपमा रहेका सतिसलाल आचार्यले २ महिनाअघि स्थापना गरेको स्पेक्ट्रोलाइट युकेले खरिद गरेको छ।
५ करोड डलर र निश्चित समयका लागि आम्दानी बाँडफाँड हुनेगरि भएको सम्झौतालाई सरकारी निकायहरूले सन्देहका साथ हेरिरहहेका छन्। लेखा समितिले पनि यसमा चासो दिएको छ।
