काठमाडौं- साताको अन्तिम दिन शुक्रबार सुनको मूल्य घट्दा चाँदीको मूल्य भने बढेको छ।
शुक्रबार नेपाली बजारमा सुनको मूल्य तोलामा ३ सय रुपैयाँले घट्दा चाँदीको मूल्य २० रुपैयाँले बढेको हो।
शुक्रबारका लागि छापावाल सुनको मूल्य तोलामा १ लाख १९ हजार रुपैयाँ कायम भएको छ।त्यस्तै तेजावी सुनको मूल्य १ लाख १८ हजार ४ सय ५० रुपैयाँ रहेकाे छ।
चाँदीको मूल्य १ हजार ५ सय ४० रुपैयाँ कायम भएको नेपाल सुन चाँदी व्यवसायी महासंघले जनाएको छ। बिहीबार चाँदी १ हजार ५ सय २० रुपैयाँमा कारोबार भएको थियो।
बिहीबार सुनको मूल्य हालसम्मकै उच्च बिन्दुमा पुगेको थियो। बिहीबार छापावल सुनको मूल्य १ लाख १९ हजार ३ सय, तेजावी सुनको मूल्य १ लाख १८ हजार ७ सय ५० रुपैयाँमा कारोबार भएको थियो।
